Балабақша туралы
«Балауса» балабақшасына қош келдіңіздер!
Қазақстан Республикасының мектепке дейінгі білім беру жүйесін жетілдіру стратегиясы мектеп жасына дейінгі балаларды жеке тұлға ретінде жан-жақты қалыптастыру мәселелерінің ұлттық даму стратегиясымен үздіксіз байланысты екендігін және мемлекеттік саясаттың ажырамас бөлігі болып табылатындығын ескере отырып , басты қажеттілік ретінде қабылданған еді. Бала тәрбиесі жан–жақтылықты, жүйелілікті талап ететін үлкен мәселе. Өйткені баланы жеке тұлға ретінде қалыптастыру, оның ой – өрісін дамыту тәрбие беретін мекемелердің басты міндеті. Бұл орайда Шымкент қаласы, Абай ауданы, Асар-2 мөлтек ауданы, Күншоғыр көшесі 2791А елді мекенінде орналасқан «Балауса» білім орталығы ЖШС 2018 жылдың 1 –қыркүйегінде ашылып, заман талабына сай жұмыс жасап келеді. Қазір балабақшада 2 – 6 жас аралығында 265 бала тәрбиеленуде. Балабақшамыз үш мезгіл тамақпен қамтамасыз етілген. Жыл бойы ет, сүт, көкөніс өнімдері беріледі. Барлық ертеңгіліктер, іс-шаралар ата-аналардың қатысуымен өткізіледі. Біз ата-аналармен бірлесе балаларды Отан сүйгіштікке, имандылыққа, адамгершілікке тәрбиелейміз.
